சென்னை: தமிழ்நாடு விளையாட்டு மேம்பாட்டு ஆணையம் வெளியிட்ட அறிக்கை: இந்த ஆண்டு இன்று முதல் மே.13ம் தேதி வரை நடைபெறவுள்ள கோடைகால பயிற்சி முகாமில், ஏற்கனவே, வெவ்வேறு பயிற்சிக் கட்டணம் (அதாவது ரூ.200லிருந்து ரூ.2000 வரை) நிர்ணயிக்கப்பட்டு இருந்ததை தற்போது முறைப்படுத்தி அனைவரும் பயன் பெறும் வகையில் சென்னையில் அனைத்து விளையாட்டுகளுக்கும் ஒரே கட்டணமாக ரூ.500ம் பிற மாவட்டங்களில் ரூ.200ம் மட்டும் நிர்ணயிக்கப்பட்டுள்ளது.
இப்பயிற்சி முகாமில் அறிவியல் ரீதியிலான பயிற்சி, விளையாட்டு சீருடை, சிற்றுண்டி, சான்றிதழ்கள் போன்றவை மாணவ, மாணவியருக்கு வழங்கப்படும். கடந்த ஆண்டு கோடைகால பயிற்சி முகாம் 15 நாட்கள் நடைபெற்றது. இதற்கு அனைத்து மாவட்ட தலைநகரங்களுக்கும் சென்னையில் உள்ள நவீன விளையாட்டரங்களுக்கும் செலவினத் தொகையாக ரூ. 15,000ஆக உயர்த்தி வழங்கப்பட்டு அனைத்து விளையாட்டு வசதிகளுடன் 18 வயதிற்குட்பட்ட மாணவ மாணவியருக்கு பயிற்சி முகாம் சிறப்பான முறையில் நடத்தப்பட்டது. 2024ம் ஆண்டும் இப்பயிற்சி முகாம் சிறப்பாக நடத்துவதற்கு அனைத்து மாவட்டங்களுக்கும் ரூ.15,000 அனுப்பப்பட்டுள்ளது.
The post குறைந்த கட்டணத்தில் இன்று முதல் கோடைகால பயிற்சி முகாம்: தமிழ்நாடு விளையாட்டு மேம்பாட்டு ஆணையம் தகவல் appeared first on Dinakaran.
